სამოქალაქო განათლებისა და პედაგოგთა გადამზადების პროგრამის თბილისი რეგიონის ახალგაზრდული ფორუმის ფარგლებში დიდუბე-ჩუღურეთის რაიონის სკოლებმა (მთიები, მარჯი, #2, #4, #166, #147, #22, # 130, #116, #169 #100) ბავშვთა უფლებების თემატიკაზე შეიმუშავეს პროექტი „ბავშვები ბავშვებისთვის“, რომელიც ითვალისწინებდა #166 საჯარო სკოლის ეზოს დასუფთავებას. პროექტის მიზანი იყო #166 სკოლის მოსწავლეებისა და სკოლის პერსონალისათვის ეკოლოგიურად სუფთა გარემოს უზრუნველყოფა. პროექტის მხარდაჭერისათვის კლუბის წევრებმა მიმართეს დიდუბის რაიონის გამგებელს, რომელმაც უშუამდგომლა მოსწავლეებს „თბილსერვის ჯგუფთან“. დასუფთავების აქცია გაიმართა 18-19 მაისს და მასში ჩართული იყო 25 მოსწავლე დიდუბე-ჩუღურეთის რაიონის ზემოაღნიშნული სკოლებიდან. პროექტში მონაწილობა მიიღეს თბილისის #126, #181, #90 საჯარო სკოლების სამოქალაქო კლუბების წევრებმაც (10 მოსწავლე). დასუფთავების აქციაში ბავშვებს ეხმარებოდნენ #166 სკოლის დირექციის წარმომადგენლები. „თბილსერვის ჯგუფის თანამშრომელებმა ჩაატარეს ტერიტორიის წინასწარი დათვალიერება, რის შემდეგაც უზრუნველყვეს მძიმე ტექნიკა (სატვირთო სპეციალიზირებული მანქანა) და სკოლის ეზოდან გაიტანეს ორდღიანი დასუფთავების აქციის შედეგად მოგროვილი ბალახი, ნერგები და საყოფაცხოვრებო ნარჩენები.
თბილისის მოზარდთა სახლი 